Faus-féuse-de-cabro
Dryopteris affinis
Dryopteridaceae
Noms en français : Dryoptéris voisin, Fausse Fougère mâle.
Descripcioun :Lou faus-féuse-de-cabro trachis dins li gaudre umide, lis esboudèu e li relarg à rousage, subretout en mountagno dins lis Aup marino. Es uno planto que sèmblo proun au féuse-de-cabro, Dryopteris filix-mas, mai li foundo rèston mai o mens dóu tèms de l'ivèr. I'a mai d'escaume e que soun pu sourno sus lou pecou e li rastèu di foundo. Peréu li peno soun mens dentado e subretout se vèi uno taco sourno sus lou rastèu à la baso di peno (fotò). Coumpara emé lou féuse-de-cabro que ié sèmblo proun.
Usanço :Proche dóu féuse-de-cabro, Dryopteris filix-mas, n'en a bessai li mémis usanço.
Port : Grando erbo
Taio : 40 à 120 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo
Gènre : Dryopteris
Famiho : Dryopteridaceae
Ordre : Polypodiales
Coulour de la flour :
Ges de flour
Petalo : ges
Ø (o loungour) flour : Ges de flour
Flourido :
Estiéu - Autouno
Sòu : Si
Autour basso e auto : 0 à 2200 m
Aparado : Noun
Juliet à setèmbre
Liò : Relarg à rousage
- Gaudre
- Esboudèu
Estànci : Coulinen à Subaupen
Couroulougi : Éurasiatico
Ref. sc. : Dryopteris affinis (Lowe) Fraser-Jenk., 1979
Fumo-terro(-en-ventau)
Fumaria flabellata
Papaveraceae Fumariaceae
Nom en français : Fumeterre en éventail.
Descripcioun :Aquelo fumo-terro s'atrovo soulamen dins li terraire safrous e de coustiero de Var. Douno proun d'èr à sa cousino Fumaria capreolata, mai se destrìo d'elo qu'a sis akène proun tuberous un cop se. Coumpara emé la fumo-terro-escalarello
.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : Pancaro entresigna
Fueio : coumpausado
Tipe bioulougico : Teroufite
Cicle bioulougico : Planto de l'an
Gènre : Fumaria
Famiho : Papaveraceae
Famiho classico : Fumariaceae
Ordre : Ranunculales
Coulour de la flour :
Blanco Roujo
Petalo : irreguliero
Ø (o loungour) flour : Pancaro entresigna
Flourido : Printèms
Sòu : Si
Autour basso e auto : 0 à 100 m
Aparado : Noun
Remarco : Planto de coustiero
Liò : Terraire safrous
Estànci : Termoumediterran à Mesoumediterran
Couroulougi :
Pancaro entresigna
Ref. sc. : Fumaria flabellata Gasp., 1842
(= Fumaria capreolata subsp. flabellata (Gasp.) Arcang., 1882 )
